تعال وضمني بشوقك ترى وصلك يواسيني
لقيت إن الحزن . . كاتب حروفه في دواويني . . .
زمانك يالحزن سل العيون وجرَح الأهداب . .
رسم في داخلي ذكرى . . من الماضي تناديني . . .
رفعت اصحاب ويوم أزريت تصور مالقيت اصحاب . .
وصلتك والألم شلال . . توزع في شراييني . . .
إذا كنت بحياتك سطر وجودك بحد ذاته كتاب . .
يهون الجرح لعيونك . . يا أجمل شي في سنيني . . .
تعال ارجوك لاتبخل ترى ليل الشتا غلاب . .
تعال وضمني بشوقك . . ترى وصلك يواسيني . . .
وشف حزني تجاهلته وبدلت الثياب اثياب . .
ذبحني البرد في غيابك . . متى ودك تدفيني . . .
ولو خبيت أنـــا طيفك بعيني فالنهايه أغراب . .
وبيرجع لي الحزن ثاني . . حكايه في دواويني . .
موضوع: لقيت إن الحزن كاتب حروفه في دواويني 
الثلاثاء ديسمبر 07, 2010 1:38 pm
